Бүгін Қармақшы ауданының жылу беру маусымындағы өрт қауіпсіздігінің алдын-алу мақсатында аудан әкімдігінің жанынан құралған комиссия мүшелері төтенше жағдайлар бөлімінің қызметкерлерімен бірге аудан орталығындағы тұрғын үйлерді аралап, профилактикалық насихат жұмыстарын жүргізді.
Үгіт-насихат жұмыстары барысында тұрғындарға тұрмыстық газды пайдалану кезіндегі қауіпсіздік ережелерін сақтау туралы түсіндірме жұмыстары жүргізіліп, оқыс оқиға орын алған жағдайда қандай іс-әрекеттер жасау керектігі жөнінде ережелермен таныстырды.
Төтенше жағдайлар бөлімі қызметкерлері мен комиссия мүшелері аудан орталығындағы қоғамдық орындарда «Газдан уланудан сақтан», «Тұрмыстағы өрт қауіпсіздігі», «От баланың ойыншығы емес» тақырыпшаларымен үнпарақтарын таратып, түсіндірме жұмыстарын жасады.
Қармақшы ауданы әкімінің баспасөз қызметі
>>> Біздің Facebook, Instagram парақшаларымыз бен Telegram каналымызға жазылыңыз! <<<
