Бүгін аудан әкімі Жандос Еркінбекұлы бірқатар азаматтарды жеке мәселелері бойынша қабылдады. Тұрғындар арасында негізінен жұмыспен қамту, әлеуметтік сала және инфрақұрылым мәселелері, кәсіпкерлікпен айналысуға жер сұрау сынды талап-тілектерін жеткізді.
Мәселен, шабдалы өсіру үшін жер телімін сұраған Бержанов Сабыржанның өтініші бойынша аудан әкімі тиісті сала мамандарына нақты тапсырмалар беріп, шешілу жолдарын қарастырып, жер телімін беру үшін заң бойынша жұмыстар жүргізуді тапсырды.
Аудан басшысы қабылдауға келген азаматтардың мәселелері жан-жақты зерттеліп, шешімі заң талаптарына сәйкес қарастырылатынын атап өтті. Сондай-ақ, Жандос Еркінбекұлы әрбір азаматтың мәселесін тыңдап, аудан тіршілігіне бейжай қарамайтын белсенді тұрғындарға алғысын білдіріп, жауапты сала басшыларына бірқатар тапсырмалар берді.
Тұрғындары аудан әкімінің қабылдауына egov.порталы, е-otinish базасы арқылы немесе әкімдікке жазбаша өтініш тастау арқылы жазылатындығын ескертеміз.
Қармақшы ауданы әкімінің баспасөз қызметі
>>> Біздің Facebook, Instagram парақшаларымыз бен Telegram каналымызға жазылыңыз! <<<
