Еліміздегі медицина саласы орасан зор өзгерістер қарсаңында тұр. Мемлекет басшысы Қасым-Жомарт Тоқаевтың Жолдауында атап көрсетілген бағыттар соған дәлел.
Жолдау елдің әлеуметтік-экономикалық дамуының өзекті мәселелеріне және қазақстандықтардың әл-ауқатын одан әрі арттыру жөніндегі міндеттерге арналған. Мемлекет басшысы медициналық қызметтердің сапасы халықтың әлеуметтік көңіл-күйінің маңызды компоненті екенін атап өтті. 2020 жылдың 1 қаңтарынан бастап Міндетті әлеуметтік медициналық сақтандыру жүйесі іске қосылады. Мемлекет тегін медициналық көмектің кепілдік берілген көлемін сақтайды.
ТМККК және МӘМС пакеттері бірінші кезекте халықтың әлеуметтік осал топтары үшін медициналық көмектің қолжетімділігін арттыруға бағытталған. Мәселен, 2020 жылдан бастап жеңілдігі бар 15 санат үшін жарнаны мемлекет төлейді. Жұмыс берушілер, жұмыскерлер, кәсіпкерлер денсаулық қоржынын толтыруды жалғастырады. МӘМС-ке түскен барлық қаражат Ұлттық банкте сақталады және МӘМС жүйесінің медициналық пакеттеріне жұмсалады. Осылайша, медициналық қызметтерге арналған жеке «қалта» шығындарының төмендеуі және қымбат тұратын медициналық қызметтерге қолжетімділіктің айтарлықтай артуы күтілуде.
Руслан БЕКТІБАЕВ,
«Әлеуметтік медициналық сақтандыру қоры» КЕАҚ
облыс бойынша филиал
директоры.
«Әлеуметтік медициналық сақтандыру қоры» КЕАҚ
облыс бойынша филиал
директоры.
>>> Біздің Facebook, Instagram парақшаларымыз бен Telegram каналымызға жазылыңыз! <<<
