Фото: ашық дереккөз
Жексенбі күні елорданың орталық саябағында шаңғыдан балалар жарысы өтті, деп хабарлайды ҚазАқпарат.
Балалар жарысы Дүниежүзілік қар күніне орайластырылған.
– Балалар фестивалі халықаралық шаңғы федерациясының қолдауымен өтті. Ол Қазақстан астанасында 2012 жылдан өткізіліп келеді. Жыл сайын жарысқа 2 жастан 18 жасқа дейінгі 250-ден астам жас шаңғышы қатысты, – деді қалалық Спорт басқармасының баспасөз хатшысы Мадина Айтқалиева.
Жеңімпаздар мен жүлдегерлер жас топтарына қарай жеке нәтижелер бойынша анықталып, тиісті дәрежелі сыйлықтармен және дипломдармен марапатталды.
Триумфаторлар мына санаттарда анықталды: балалар спринті (толық мәре бойынша), жаппай старт (барлық жарыстардың толық мәресі бойынша), тек үздіктерді анықтау (барлық жарыстардың толық мәресі бойынша).
>>> Біздің Facebook, Instagram парақшаларымыз бен Telegram каналымызға жазылыңыз! <<<
