Тамыз айының 1-4 жұлдызында аудан жастары арасында «Өмірлік маңызды дағдылар» атты семинар-тренинг өтті. Тренингке көшбасшы жастар, ҮЕҰ өкілдері мен кент және ауылдық округтердің жастар ісі жөніндегі мамандары қатысты. Тренингтің мақсаты – ынталы және бастамашыл топтардың ортасын қалыптастыру.
«Өмірлік маңызды дағдылар» курсы 7 модулді семинар-тренингтен тұрады:
- Командадағы ынтымақтастық
- Сыни ойлау
- Креативты ойлау
- Шешімдер қабылдау
- Мақсат қою
- Уақытты басқару
- Қажеттіліктерді анықтау және командаларды қалыптастыру
Осы тренинг арқылы белсенді топ өкілдері өзара тәжірибе алмасады, біліктілігін арттырып, қабілеттері мен дағдыларын дамытуға мүмкіндік алады.
– Жыл сайын волонтерлік бастамаларды қолдау мақсатында министрлік тарапынан шағын гранттар байқауы өтеді. Біз белсенді топтарды байқауға қатысуға ықпал жасауға тиіспіз. Көбіне ауылдық жерлерде жүзеге асырылатын жобаларға басымдық беріледі, – деді «Ой бренд» қоғамдық қорының Президенті Сабыржан Бахытжанұлы.
– Бастамашыл топтарға түрлі бағытта кеңес беруді тоқтаусыз жүзеге асыруға тиіспіз. Қазіргі қоғам үздіксіз дамуды талап етеді. Берілген мүмкіндіктерді оңтайлы пайдалану арқылы ауылдық жерлердегі азаматтық бастамаларға қолдау білдіре аламыз, – деді Qosyl командасының мүшесі, тренер Нұрасыл Жасұланұлы.
Жоба Қазақстан Республикасы Ақпарат және қоғамдық даму министрлігі Азаматтық бастамаларды қолдау орталығы «Жасыл» экономиканы қолдау және G-Global-ды дамыту Коалициясы» ЗТБ-нің «Қазақстанда БҰҰ тұрақты даму мақсаттарын іске асыруға азаматтық қоғам интситуттарын тарту» жобасының шағын гранты аясында іске асуда.
Нұрасыл БЕКМАТОВ,
«Qosyl» командасының мүшесі
>>> Біздің Facebook, Instagram парақшаларымыз бен Telegram каналымызға жазылыңыз! <<<
