Қазақстан – зайырлы мемлекет!
Біз, Қазақстан жастары, келешегі кемел, болашағы жарқын, жан-жақты білімді жастарға нашақорлық пен уытқұмарлықтың алдын алу қажеттілігін насихаттағымыз келеді.
Мемлекет басшысы Қасым-Жомарт Тоқаев халыққа Жолдауында: «Синтетикалық есірткі тұтынатындардың көбеюі ұлт саулығына зор қауіп төндіруде. Нашақорлар оны әлеуметтік желі мен түрлі мессенджер арқылы емін-еркін сатып алып жатыр. Есірткіні, тіпті, үйге әкеп беретіндер бар. Бұл – аса қауіпті әрі ауқымды әлеуметтік кесел. Сондықтан нашақорлықпен және есірткі саудасымен күресудің кешенді жоспарын әзірлеу қажет», – деп атап өтті. Біз осы ұстанымды қолдай отырып, Қазақстан жастарына үндеу жолдаймыз!
– Бүгінгі әлемдік деңгейдегі маңызды мәселелерге бейжай қарай алмайтынымызды көрсете отырып, насихаттауды арттыруды;
– Зиянды әдеттерден, ішімдіктен, шылымнан, есірткіден аулақ болуды;
– Тәніңізді улы заттармен ластамай, саламатты өмір сүруді;
– Бос уақытыңызды өзіңіз үшін, еліңіз үшін пайдалы іске арнауды;
– Өзіңіз жақсы көретін спорт түрімен айналысуды;
– Өмір бір-ақ рет беріледі, оны ғажап етіп сүру өз қолыңызда екенін ұмытпауды;
– Тәуелсіз елдің кемел келешегі Сіздің қолыңызда екенін әсте есіңізден шығармауды;
– Қазақстанның әлемдегі ең денсаулығы мықты, салауатты өмір салтын ұстанатын ел екенін қолдаймыз!
– Нашақорлыққа «Жоқ! – деп айтуды үйрен» деген ұранмен күресуге шақырамыз!
#есірткігеқарсы, #противнаркотиков
Ұлдай ҚАРАТАЕВА,
№273 орта мектеп оқушысы.
Қармақшы ауданы,
Байқоңыр қаласы
>>> Біздің Facebook, Instagram парақшаларымыз бен Telegram каналымызға жазылыңыз! <<<
