Орта салмақтағы отандасымыз Жәнібек Әлмаханұлының келесі қарсыласы белгілі болды. Жекпе-жек 17 тамызда Лос-Анджелесте Banc of California Stadium аренасындағы бокс кешінде өтеді.
Боксшының қарсыласы 32 жастағы канадалық Стюарт МакЛеллан (27-3-3, 11 КО) болады. Кездесу он раундқа жоспарланған.
Бұл шоудың басты жекпе-жегінде екінші жеңіл салмақта WBO тұжырымы бойынша әлем чемпионы Эмануэль Наваррете (27-1, 23 КО) мен америкалық Франсиско Де Вака (20-0, 6 КО) жұдырықтасады.
Жәнібек кейінгі жекпе-жегін 12 сәуірде Лос-Анджелесте мексикалық Кристиан Оливасқа қарсы өткізіп, төрешілер шешімімен жеңіске жеткен еді. Осылайша, қазақстандық боксшы WBC Continental Americas және екінші деңгейлі WBO Global белбеулерін иеленген.
>>> Біздің Facebook, Instagram парақшаларымыз бен Telegram каналымызға жазылыңыз! <<<
