Аймағымызға жұмыс сапарымен келген Мәжіліс депутаты Наталья Жұмаділдаева «Достық үйінде» ҚР Президенті Н.Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты халыққа Жолдауын насихаттау мақсатында облыстық Қазақстан халқы ассамблеясы активімен кездесті.
Мәжіліс депутаты Елбасы Жолдауындағы ерекшеліктерге тоқталды.
– Қазақстандықтардың өмір сүру деңгейінің жоғары болуы Елбасының ұдайы назарында. ҚХА жұмысының да басты бағыты осы басымдықты жан-жақты қолдауға бағытталады. Мәселен, 2019 жылдың 1 қаңтарынан бастап ең төменгі жалақы 1,5 есеге артады. Бұл экономиканың барлық меншік түрлерінде істейтін 1 млн 300 мың адамға бұл тікелей қатысты болатындығы айтылды. Бюджеттен еңбекақы алатын 275 мың қызметкердің табысы орта есеппен 35 процентке дейін ұлғаяды, – деді Н.Жұмаділдаева.
Наталья Жұмаділдаева кезекті Жолдаудағы білім беру мен денсаулық сақтау салаларындағы реформалар, «Педагог мәртебесі туралы» ҚР Заңы, сапалы әрі қолжетімді баспана, орта және шағын бизнесті мемлекеттің қолдауына тоқталып, бұл бастамалардың қоғамдағы маңызы жайлы тарқата айтты.
Шынар БЕКБАН.
.
>>> Біздің Facebook, Instagram парақшаларымыз бен Telegram каналымызға жазылыңыз! <<<
