Ұлытау облысында жол апатынан 3 адам көз жұмды, деп жазады syrboyi.kz. Қызылорда-Павлодар тас жолында екі көлік бетпе-бет соқтығысты. Соққының күшті болғаны сонша, көліктердің бірі жолдан шығып, жыраға құлап кеткен. Үш адам оқиға орнында көз жұмды. Өкініштісі, үшеуі де бір отбасының адамдары. Әкесі, қызы, ұлы. Жақындарына Алла көркем сабыр берсін.
«Екі көліктің соқтығысқанын және үш адамның көз жұмғанын растаймыз. Сотқа дейінгі тергеу басталды. Оқиға орнында апаттың мән-жайы мен себебін анықтау үшін жедел тергеу тобы жұмыс істеп жатыр», – деп түсініктеме берді Ұлытау облыстық полиция департаментінің баспасөз қызметі.
>>> Біздің Facebook, Instagram парақшаларымыз бен Telegram каналымызға жазылыңыз! <<<
