8 қаңтар күні Достық үйінде «Қазақстандағы орыс қауымдастығы» Қызылорда облыстық филиалының ұйымдастыруымен «Рождестволық көрме» өтті, деп хабарлайды Syrboyi.kz.
Рождество мерекесіне арналған көрмеге Салахаддин Айтбаев атындағы көркемсурет галереясы жанындағы Изо-студиясының 5-16 жас аралығындағы тәрбиеленушілері қатысты.
Олар Рождество, Жаңа жыл бейнесін ашатын акварельмен салынған 30-дан астам ерекше жұмыстарын көрмеге қойып, келген қонақтарға таныстырды.
Облыстық қоғамдық даму басқармасының “Қоғамдық келісім” КММ директоры Бақытжан Камалов барша қатысушыларды достық пен жасампаздық мерекесімен құттықтап, суретшілерге шығармашылық өрлеу тілейтінін айтты.
Мұнан соң «Қазақстандағы орыс қауымдастығы» Қызылорда облыстық филиалының төрағасы Наталья Мишукова бүгінгі көрмеге қатысушы балалардың өнеріне риза болып, бұндай үйірмелер баланың әсемдікке қабілетін жетілдіріп, өмірдегі және өнердегі сұлулықты сезіне білу қасиетін қалыптастыратынын атап өтті.
Сондай-ақ, «Қоғамдық келісім» КММ директоры Бақытжан Камаловтың Алғысы және орыс қауымдастығының сыйлығы барша қатысқан жас суретшілерге табысталды.
Іс-шара соңында жас суретшілер облыстық орыс қауымдастығы белсенділерінің балаларына арнайы шеберлік классын өткізді.
>>> Біздің Facebook, Instagram парақшаларымыз бен Telegram каналымызға жазылыңыз! <<<
