«Өсімдіктерді қорғау туралы» заң оларды зиянкестерден, арамшөптерден және аурулардан қорғау саласындағы қызметтi жүзеге асырудың құқықтық, экономикалық, ұйымдастырушылық негiздерiн айқындайды. Егiн өнiмiн, оның сапасын сақтау мен ҚР аумағында фитосанитариялық iс-шараларды жүзеге асыру кезiнде адамдардың денсаулығы мен қоршаған ортаға зиянды әсердi болғызбауға бағытталған.
Осы заң шеңберінде ҚР АШМ АӨК МИК Қызылорда облыстық аумақтық инспекциясы улы химикаттардың адамдар денсаулығы мен қоршаған ортаға қауіпсіз пайдаланылуына, егістіктің зиянды организмдеріне қарсы іс-шаралардың уақытылы әрі сапалы жүргізілуіне және фитосанитариялық есептіліктің жүргізілуі мен табыс етілуіне ұдайы бақылау жасап отырады.
Жоғарыда аталған заңның 14-5-бабының 3-тармақшасына сай қызметі фитосанитариялық бақылау объектілеріне байланысты жеке және заңды тұлғалар фитосанитариялық есепке алуды жүргізуге және уәкілетті органға есептілікті табыс етуге міндетті.
ҚР АШМ «Фитосанитариялық нормативтерді, фитосанитариялық есепке алу нысандарын, сондай-ақ оларды ұсыну қағидаларын бекіту туралы» бұйрығының қосымша нысандарына сай фитосанитариялық есеп ай сайынғы (наурыз, қыркүйек айлары), жартыжылдық және жылдық кезеңділікпен табыс етілуі тиіс.
Фитосанитариялық есептілікті ұсынбау, сол сияқты уақытылы ұсынбау жеке және лауазымды тұлғалар мен шағын, орта, ірі кәсіпкерлік субъектілерін Қазақстан Республикасы «Әкімшілік құқықбұзушылық туралы» кодексінің 403-бап, 1-тармағымен әкімшілік жауапкершілікке тартуға әкеп соғады.
А.ПАЛМАНОВА,
ҚР АШМ АӨК МИК Қызылорда облыстық аумақтық инспекциясының өсімдіктерді қорғау жөніндегі мемлекеттік инспекция бөлімініңбас маманы- өсімдіктерді қорғау жөніндегі мемлекеттік инспекторы
