Кеше Маңғыстау облысы әкімдігі өкілдерінің Қызылорда облысына іссапар барысында Бесарық ауылына барды. Делегация өкілдері елді мекеннің бүгінгі жай-күйімен, «Ауыл аманаты» бағдарламасы аясында бой көтерген өндіріс орталығымен және «Адал адам» мәдени орталығымен танысты.
Ең алдымен Маңғыстау облысы әкімдігі өкілдері ауыл шаруашылық өнімдерінің көрмесіне куә болды. «Абай-Дәулет» жауапкершілігі шектеулі серіктестігінің директоры Мұрат Сәрсенбаев компания демеушілік еткен шағын өндіріс орталығының жұмысы туралы ақпарат берді. Сонымен қатар, өндіріс орталығының мүмкіндіктері, даму жоспарлары және жергілікті экономикаға қосып жатқан үлесі талқыланды. Делегация мүшелері өндіріс процесін көзбен көріп, мұндағы кәсіпкерлермен сұхбаттасты. Олар орталықтың әлеуетін жоғары бағалап, алдағы уақыттағы жұмыстарына сәттілік тіледі.
Сапар барысында делегация мүшелері елді мекендегі «Адал адам» мәдени орталығында болды. Орталықтың жұмысы мен жетістіктері туралы Қызылорда облысының мәдениет, архивтер және құжаттама басқармасы басшысының орынбасары Қуаныш Жанұзақов ақпарат берді. Делегация өкілдері мәдени орталықта қолөнер бұйымдары көрмесімен, мәдениет үйінің жұмыс барысымен және кітапхана қорымен танысып, «Жан шуақ» әжелер ансаблі мен жас бишілердің өнерлерін тамашалады.
Сырдария ауданы әкімінің баспасөз қызметі
>>> Біздің Facebook, Instagram парақшаларымыз бен Telegram каналымызға жазылыңыз! <<<
