Атқарушылық құжат негізінде атқарушылық іс жүргізуді қозғау – құқықтарын қорғауға және заңды мүдделерін іске асыруға бағытталған маңызды мемлекеттік қызмет. Бұл қызмет Қазақстан Республикасының 2013 жылғы 15 сәуірдегі «Мемлекеттік көрсетілетін қызметтер туралы» Заңының талаптарына сәйкес жүзеге асырылады.
Қызметті көрсету тәртібі:
Аталған қызметті алу үшін жеке немесе заңды тұлғалар тиісті құжаттар топтамасын ұсынады. Қызмет көрсету үш негізгі әдіспен жүзеге асырылады:
1. Әділет органдары арқылы: Құжаттар тіркелген күннен бастап 3 жұмыс күні ішінде атқарушылық іс қозғау немесе бас тарту туралы қаулы шығарылады.
2. Мемлекеттік корпорация арқылы: Құжаттар корпорациядан әділет органдарына беріледі, әрі қарай сол тәртіп сақталады.
3. Электрондық үкімет порталы арқылы: Қызметті онлайн түрде алу мүмкіндігі қарастырылған.
Құжаттар толық ұсынылмаса, өтініш қабылданбайды және қолхат беріледі.
Шағымдану тәртібі:
Қызмет сапасына немесе көрсетілетін қызметті беруші әрекеттеріне шағым түсіру үшін тиісті органдарға немесе сотқа жүгіну қарастырылған. Шағымдар бес немесе он бес жұмыс күні ішінде қаралады.
Бұл қызмет электрондық үкімет порталында автоматтандырылған және қолжетімді, сондай-ақ азаматтардың құқықтарын қорғауды жеңілдетеді.
Г.Есентай,
Мемлекеттік сот орындаушы.
>>> Біздің Facebook, Instagram парақшаларымыз бен Telegram каналымызға жазылыңыз! <<<
