1 сәуірде Пхукетте Қазақстан азаматы жантүршігерлік жол апатынан қаза тапты. Бұл туралы таиландтық БАҚ жазып жатыр, – деп хабарлайды Massaget.kz тілшісі.
БАҚ мәліметінше, 1 сәуірде түнгі сағат 00:45 шамасында ер адам мотоциклмен Bypass Rd тасжолында асқан жылдамдықпен келе жатып, тізгінге ие бола алмай, бағанаға соғылған. Ауыр жарақат алған адам оқиға орнында көз жұмған.
Алғашында оның кім екенін анықтау барысында ресейлік турист деп болжанған. Себебі оның ұялы телефонының экранында орыс тіліндегі жазулар болған.
Алайда кейін оның Қазақстан азаматы екені және Таиландта тұрып, жұмыс істегені анықталды.
Сыртқы істер министрлігі Tengrinews.kz тілшісіне берген жауабында қазір марқұм туралы ресми расталған ақпарат жоқ екенін мәлімдеді.
>>> Біздің Facebook, Instagram парақшаларымыз бен Telegram каналымызға жазылыңыз! <<<
