Қызылордада Достық үйінде «Вайнах» облыстық шешен-ингуш этномәдени бірлестігінің ұйымдастыруымен “Шекарасыз Лезгинка” атты мерекелік іс-шара өтті, деп хабарлады Syrboyi.kz.
Оған «Қоғамдық келісім» КММ қызметкерлері, этномәдени бірлестіктердің жетекшілері мен белсенділері, жастар, қала тұрғындары қатысты.
Іс-шара барысында «Қоғамдық келісім» КММ директоры Бақытжан Камалов пен шешен-ингуш этномәдени бірлестігі төрағасының орынбасары Лайла Пашаева құттықтау сөз сөйледі. Сондай-ақ, олар достық этносаралық қатынастарды нығайтуға елеулі үлес қосқан бірқатар шешен этномәдени бірлестігінің жастарына алғыс хаттар табыс етті.
Мұнан соң Вайнах ингуш-шешен орталығының төрағасы Ахмед Мурадов лэд экран арқылы онлайн құттықтау жолдады.
Облыстық этномәдени бірлестіктердің төрағалары да сахна төріне шығып, бірлік пен достықтың, татулықтың маңыздылығын айтып, жылы лебіздерін білдірді.
Мерекелік шара концерттік бағдарламамен жалғасты. Бірлестіктің белсенділері шешен этносының билерін, қазақ және орыс тілдеріндегі әндерді шырқады.
Соңында шешен орталығы белсенділерінің балаларына Жаңа жылдық тәтті сыйлықтар таратылды.
Dostyk_news
>>> Біздің Facebook, Instagram парақшаларымыз бен Telegram каналымызға жазылыңыз! <<<
