Аудан әкімі Айтбай Жандарбековтың қатысуымен жыл қорытындысына арналған салтанатты іс-шара өтіп, жыл үздіктері марапатталды.
Аудан әкімі аудан тұрғындарын Жаңа жыл мерекесімен құттықтап, 2024 жылдың маңызды жетістіктер мен игі істерге толы болғанын атап өтті.
Мерекелік іс-шарада ауданның дамуына үлес қосып жүрген бірқатар азаматтар Шиелі ауданының «Құрметті азаматы» төсбелгісі табысталып, Қазақстан Республикасы Ауыл шаруашылығы министрлігінің, Қызылорда облысының «Құрмет» грамоталарымен, Облыс әкімінің, аудан әкімінің Алғыс хаттарымен марапатталды. Сондай-ақ жас мемлекеттік қызметшілер арасында өткізілген облыстық «Жайдарман» ойындарында жүлделі І орынды иеленгені үшін Шиелі командасы, Жыл қорытындысымен Сыр лигасы жобасы бойынша ІІ орын иеленгені үшін, «Мемлекеттік қызметшінің бір күні» тақырыбында конкурста І орын иеленгені үшін дипломдар және жыл бойы ерекше жетістіктерімен танылған жыл үздіктері арнайы марапатқа ие болды.
Түрлі салада ауданымыздың дамуына үлес қосқан азаматтардың, еңбек адамдарының мерейі тасыған кеш қазақ эстрадасының жарық жұлдызы Наркенже Серікбаеваның әсем әнімен және аудан өнерпаздарының мерекелік концерттік бағдарламасымен жалғасын тапты.
Шиелі ауданы әкімдігі
>>> Біздің Facebook, Instagram парақшаларымыз бен Telegram каналымызға жазылыңыз! <<<
