Tokyo Metro Co. акциялары cәрсенбі күні Токио қор биржасында сәтті дебют жасап, 1200 иен (7,9 доллар) орналастыру бағасынан 47,3%-ға жоғарылады, деп хабарлайды Kyodo News.
Азиядағы ең көне метроның акциялары негізінен жеке инвесторлардың үлкен қызығушылығын тудырды. Жапония мен Токио үкіметтері әрқайсысы өз активтерінің жартысын сатқан. Бұған дейін олар тиісінше 53,4% және 46,6% иеленді.
Орталық үкімет түскен қаражатты 2011 жылғы наурызда Жапонияда болған жойқын жер сілкінісі мен цунамиден кейінгі қалпына келтіру жұмыстарын қаржыландыру үшін шығарылған облигацияларды өтеуге жұмсайды.
Жапонияда SoftBank Group Corp. 2018 жылдың желтоқсанында телекоммуникациялар бөлімін орналастырғаннан бері нарықтық капиталдандыру да, акцияларды орналастыру бағасы да ең жоғары болып отыр.
«Жеке инвесторлардың арасында Токио метросының акцияларына деген сұраныс компанияның тұрақты табысы мен тартымды дивидендтер кірісінің арқасында күшейіп отыр», – деді NLI Research Institute акциялар жөніндегі бас стратег Синго Идэ.
Дегенмен, ол оператордың акциялары бастапқы дүрбелең басылғаннан кейін сатыла басталуы мүмкін екенін ескертті.
>>> Біздің Facebook, Instagram парақшаларымыз бен Telegram каналымызға жазылыңыз! <<<
