Жалағаш ауданының 85 жылдық мерейтойы аясында «Жақұты Сырдың Жалағаш» атты гала концерт өтті.
Мерекенің алғашқы сөзін Қызылорда облысы әкімінің орынбасары Зебешов Ардақ Темірханұлы сөйлеп, аудан халқына облыс әкімінің құттықтауын жеткізді.
Сондай ақ, ауданның әлеуметтік-экономикалық дамуына зор үлес қосқан азаматтарға Қызылорда облысының Құрмет Грамотасы және облыс әкімінің Алғысы табысталады.
Сонымен қатар, аудан әкімі Ардақ Ибраимов аудан тұрғындарын мерекемен құттықтап, туған жердің ғасырға жуық тарихында үлгілі жол қалыптастырған барша ағайынға алғысын білдірді.
Гала концертте «Жалағаш ауданының құрметті азаматы» атағы беріліп, ауыл шаруашылығы өндірісінің озаттары марапатталды. Жоғары көрсеткіштерге қол жеткізген өндіріс озаттарына демеушілер тарапынан автокөліктер және қаржылай сыйақылар табысталды.
Жалағаш кентінің орталық алаңында өткен марапаттау салтанаты өнер жұлдыздарының қатысуымен мерекелік гала концертке ұласты. Мерекелік кеш от шашумен қортындыланды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
