Өңірлік коммуникациялар қызметінде өткен брифингте облыстық ауыл шаруашылығы басқармасының басшысы Сейілбек Нұрымбетов ауыл шаруашылығы өнімдерінің экспорты және егін науқаны туралы айтып берді.
Биыл мемлекеттік бағдарлама аясында аграрлық секторды мемлекеттік қолдау үшін 12,8 млрд теңге бөлінді. Ауыл шаруашылығы өнімдерін өндіруді 3,5, инвестицияны 10, еңбек өнімділігін 16,5, экспорт көлемін 21 процентке арттыру белгіленді.
Жыл басынан бері әлемнің 12 мемлекетіне 5 түрлі өнім экспортталуда. Алғаш рет облыстан Германияға қамыс, Өзбекстанға бидай ұны жөнелтілді. Сонымен қатар биыл 184739 гектар жерге ауыл шаруашылығы дақылдары егілді. Өткен жылмен салыстырғанда дақылдар аз егілген. Егісті әртараптандыру бағытында алғаш рет перспективалы дақылдар себілді. Қажетті минералды тыңайтқыштар алынып, егіс егу және үстеп қоректендіру жұмыстары жүйелі жүргізілді. Күріш егістіктерін арамшөптеріне қарсы өңдеу шаралары да уақытылы атқарылды.
Көктемгі дала және егіс жұмыстарын жүргізуге 14 мың тонна арзандатылған дизель отыны бөлінді.
>>> Біздің Facebook, Instagram парақшаларымыз бен Telegram каналымызға жазылыңыз! <<<
