Қалалық мәслихат төрағасы Ибадулла Құттықожаев пен қала әкімі аппаратының басшысы Жасұлан Абатов Ақсуат ауылдық округінде болып, жергілікті тұрғындарға округ әкімін таныстырды.
Естеріңізге сала кетсек, 9 шілде күні Ақсуат ауылдық округі әкімінің сайлауы өткен болатын. Сайлауға өзін-өзі төрт кандидат ұсынды. Округ бойынша 5 602 сайлаушының 4 548 өз таңдауын жасады. Сайлау қорытындысы бойынша Нұрболат Бақытов 3 668 (81,2 пайыз) дауыс жинады.
Нұрболат Бақытұлы 1981 жылы Қызылорда қаласында дүниеге келген. Жоғары білімді.
Еңбек жолын 2005 жылы «Каспиан Салфа Компания» ЖШС-де оператор ретінде бастаған.
2013-2014 ж.ж «Жер-Сәулет» фирмасы «Қызылорда жер-2» ЖШС жерге орналастыру бөлімінің басшысы;
2014-2016 ж.ж «Жер-Сәулет» фирмасы «Қызылорда жер-2» ЖШС директорының орынбасары;
2016 жылдың тамыз айынан бастап осы кезге дейін Ақсуат ауылдық округі әкімі аппаратының жетекші маманы қызметін абыроймен атқарып келді.
Жиында қалалық сайлау комиссиясынның төрағасы Ғалым Баймұрзаев жаңадан сайланған әкімге куәлік табыстады. Қала әкімі аппаратының басшысы Жасұлан Уәлиұлы округ әкіміне мемлекеттік бағдарламаларды сапалы жүзеге асыруды және елді мекеннің әлеуметтік-экономикалық дамуы мен тұрғындардың тұрмыс жағдайын жақсартуды, халықпен кеңесіп жұмыс жасауды тапсырды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
