Мемлекет тұтастығын сақтап, қоғамдық тәртіпті нығайтуда Мемлекет басшысы Қасым-Жомарт Тоқаев биылғы жылдың 11 қаңтарында Парламент Мәжілісінің пленарлық отырысында ұлттық қауіпсіздік жүйесін қамтамасыз ету бойынша нақты стратегиялық тапсырма берді. Бұл ретте өңірлерде қоғамдық қауіпсіздік пен тәртіп сақтау шараларын күшейтуде Қызылорда облысының әлеуметтік-экономикалық жағдайын тұрақтандыру бойынша арнайы Жол картасы қабылданып, көзделген іс-шаралар жүзеге асырылуда.
1 ақпан күні облыс әкімі Гүлшара Әбдіқалықова ҚР Ұлттық Ұланы «Оңтүстік» Өңірлік Қолбасшылығының қолбасшысы Талапкер Әмриевпен кездесіп, қоғамдық тәртіпті қадағалау шаралары бойынша пікірлесті.
Басқосуға облыс әкімінің орынбасары Серік Ахмет, облыс әкімі аппаратының басшысы Ерлан Райғаниев, Қызылорда қаласының әкімі Ғанибек Қазантаев, ҚР Ұлттық Ұланы «Оңтүстік» Өңірлік Қолбасшылығына қарасты әскери бөлімінің командирі Төлеби Чубаев және бірқатар салалық басқарма басшылары қатысты.
Талапкер Әмриев бірқатар ұсыныстарын жеткізіп, ортақ мәселелер бойынша пікір алмасты.
Облыс әкімінің баспасөз қызметі
>>> Біздің Facebook, Instagram парақшаларымыз бен Telegram каналымызға жазылыңыз! <<<
