Токио олимпиадасы көрермендердің қатысуымен 2021 жылдың жазында өтеді. Бұл жөнінде халықаралық олимпиада комитетінің президенті Томас Бах мәлімдеді.
Жапония премьер-министрі Есихидэ Суга мен Халықаралық олимпиада комитетінің басшысы Томас Бах 2021 жылы Токио олимпиадасы көрерменнің қатысуымен өтетінін мәлімдеді.
Губернатор Юрико Коикэ Токио коронавирусқа қарсы шаралар әзірлеу үшін, көрерменнен 4 жылда бір өтетін әлемдік шараны қауіпсіз тамашалау үшін бар күшін салатынын айтты. Бұған дейін Олимпиада коронавирус пандемиясына байланысты кейінге шегерілген болатын.
Айта кетейік, олимпиада 2021 жылдың 23 шілдесінде басталып, 8 тамызда мәресіне жетеді.
>>> Біздің Facebook, Instagram парақшаларымыз бен Telegram каналымызға жазылыңыз! <<<
