Қазақстан Республикасы Қорғаныс министрлігі республикалық мемлекеттік қазыналық кәсіпорыны «Әскери-техникалық мектебі» Алматы филиалы базасында өтеусіз негізде мерзімді әскери қызмет өткермеген азаматтарды оқуға шақырамыз.
11 сынып бітірген азаматтарды «В1,С1» санаттағы әскери жүргізушілерді даярлау бойынша оқуға шақырамыз.
Әрбір азамат оқу кезеңінде далалық киім-кешекпен, үш мезгіл тамақпен қамтамасыз етіледі. Бітіргеннен кейін мерзімді әскери қызметке міндетті түрде жөнелтіледі. Сонымен қатар, әскери борышын өтеп болғаннан кейін мамандығымен келісім-шарт бойынша әскери қызметке орналасуға мүмкіншілігі, әсіресе Қызылорда қаласы маңындағы әскери бөлімдерге орналасуға болатынын жеткіземіз.
Денсаулық жағдайы бойынша жарамды, бойы 170 см-ден төмен емес;
Жасы он сегіз жасқа толған және жиырма екі жасқа дейінгі аралығы бойынша әскерге шақырылушылар;
Қылмыстық жауапкершілікке тартылмаған;
Оқу мерзімі: үш ай.
Ниет білдірген азаматтар төмендегі мекен-жай бойынша, Қызылорда қаласының қорғаныс істері жөніндегі басқармасына – Қазантаев көшесі, 19 үй, №118 кабинет, 26-42-50, 8-705-680-34-58 телефоны арқылы хабарласуларыңызға болады.
Облыс тұрғындарының назарына!
Қарулы Күштерінің бірыңғай жүйесін құрайтын қазіргі заманғы, саны жанынан жинақы, жақсы жабдықталған және жауынгерлік қабілеті жоғары Құрлық әскерлері, Әуе қорғанысы күштері мен Радиоэлектроника және байланыс әскери-инженерлік институты және Кадет корпусы құрылды. Әскери оқу орындары әскерилердің кәсіби шеберлігін арттыру саясатын жалғастыруда. Сонымен бірге әскерлерді келісім-шарт негізінде жасақтау, армияны қазіргі заманғы қару-жарақпен жарақтандыру одан әрі дамытылды.
Сонымен қатар, өмірін әскермен байланыстыруға шешім қабылдаған азаматтар үшін қолайлы әлеуметтік жағдайлар жасалатын болады.
Бүгінгі күні отандық әскери білім беру жүйесін Қорғаныс министрлігінің қарамағында әскери оқу орындары құрайды.
1. Алматы қаласында орналасқан Құрлық әскерлерінің әскери институты.
2. Ақтөбе қаласында орналасқан Екі мәрте Кеңес Одағының батыры Т.Бигелдинов атындағы Әуе қорғанысы күштерінің әскери институты.
3. Алматы қаласында орналасқан Радиоэлектроника және байланыс әскери-инженерлік институты.
4. Ақмола облысы Щучинск қаласында орналасқан Қорғаныс министрлігінің Ш.Уәлиханов атындағы Әскери колледжі.
ҰБТ мынадай жалпы білім беру пәндерінен жүргізіледі:
математика, физика – негізгі пән, қазақстан тарихы, қазақ немесе орыс тілдері;
кемінде 50 балл, оның ішінде математикадан сауаттылығы немесе математикадан кемінде 7 балл, ал қалған пәндер бойынша – кемінде 4 балл тестілеу нәтижесі бар үміткерлер келесі емтихан тапсыруға жіберіледі.
Әскери оқу орнын бітірген азамат лейтенант шенімен оқу бітірісімен Қазақстан Республикасы Қарулы Күштерінің әскери бөлімдеріне жөнелтіліп, әскери қызмет атқарады, яғни әскери мамандықты таңдаған азаматты жұмыссыз қалдырмайды. Керісінше мүмкіндігінше үй-жаймен қамтамассыз етіп барлық жағдайды жасайды.
Сондықтан қаламыздағы болашақ ел қорғайтын ер азаматтар Бауыржан аталарымыздай жаужүрек батыр болғылары келсе, елінің тыныштығы мен қауіпсіздігі үшін қызмет етуді мақсат тұтар болса, жергілікті жердегі Қорғаныс істері жөніндегі басқармаға (военкоматқа) жолығуларын сұраймыз. Мекен-жайымыз: Қызылорда қаласы, Қазантаев көшесі №19. Байланыс телефондары: 26-42-50, 8 777-680-34-58, № 118 кабинет
>>> Біздің Facebook, Instagram парақшаларымыз бен Telegram каналымызға жазылыңыз! <<<
