Ирактың солтүстігінде лаңкестермен қақтығыс болып, Түркия Әуе күштерінің алты қызметшісі қаза тапты, біреуі жарақат алды. Бұл туралы Түркия Ұлттық қорғаныс министрлігі мәлім етті. Kazinform бұл туралы Анадолыға сілтеме жасап хабарлайды.
— 23 желтоқсанда лаңкестер «Pençe-Kilit» операциясы аумағындағы базаға кіруге тырысып, қақтығысқа ұласты, салдарынан алты қаһарман жолдасымыз қаза тауып, біреуі жарақат алды. Алдын ала деректер бойынша, қақтығыс кезінде 13 лаңкестің көзі жойылған. Аймақта операция жалғасып жатыр, – делінген Түркия Қорғаныс министрлігінің хабарламасында.
Қорғаныс ведомствосы қаза болғандардың отбасына көңіл айтып, жараланғандар тезірек сауығып кетсін деген тілек айтты.
>>> Біздің Facebook, Instagram парақшаларымыз бен Telegram каналымызға жазылыңыз! <<<
