Фото: aa.com.tr
7 қазаннан бері Израиль армиясының Газа секторына жасаған шабуылынан 11 журналист қаза тауып, тағы 20-дан астам БАҚ қызметкері жарақат алды. Kazinform бұл туралы Анадолы ақпарат агенттігіне сілтеме жасап хабарлайды.
Бұл туралы Палестина журналистер одағы еркіндік комитетінің баяндамасында айтылған.
Хабарламада екі БАҚ қызметкерінің із-түзсіз жоғалып кеткені де атап өтілді.
Құжатта палестиналық журналистерге шабуыл жасаудың көбеюіне назар аударылып, 20-ға жуық журналистің үйіне шабуыл жасалғаны көрсетілген.
Сонымен қатар, баяндамада журналистердің үйлеріне жасалған шабуыл кезінде олардың отбасыларының мүшелері қаза тапқаны және жарақат алғаны жазылды.
Израиль жаудырған оқтан «Әл-Жазираның» кеңсесі, Палестина теледидары, «Акса» медиа желісі, «Маан» ақпарат агенттігі, «Әл-Кудс» газеті және кейбір радиостанциялар зардап шекті.
>>> Біздің Facebook, Instagram парақшаларымыз бен Telegram каналымызға жазылыңыз! <<<
