Бүгінгі күнге дейін аталған жүйе арқылы 839 адамның өзін-өзі оқшаулау режимін бұзғандығы анықталды. Оның ішінде 537 адам «қызыл», 302 адам «сары» мәртебеде болған.
Инфекция жұқтырған болып есептелетін «қызыл» мәртебедегі 61 адамға 3 млн теңгеге жуық айыппұл салынды. Ал коронавирус инфекциясымен ауырған адамдармен қарым-қатынаста болған «сары» мәртебедегі 139 адамға тиісті қаулы шығарылды.
«Халық арасында коронавирус инфекциясы таралуының алдын алу мақсатында үй карантині режимін қатаң сақтауды сұраймыз. Қоғамдық орындарға бармауға, COVID-19 індетін тарату қаупінің алдын алуға шақырамыз», – деп мәлім етті Қызылорда облысының санитариялық-эпидемиологиялық бақылау департаментінен.
Еске салсақ, Қызылорда облысында жыл басынан бері 12 мыңнан астам адам коронавирус жұқтырған.
>>> Біздің Facebook, Instagram парақшаларымыз бен Telegram каналымызға жазылыңыз! <<<
