Бүгін Қармақшы ауылдық-округінде 8 наурыз — Халықаралық әйелдер күніне орай ауыл әкімшілігі мен ауылдық әйелдер кеңесінің ұйымдастыруымен «Тіршіліктің тірегі сен — ана» атты іс-шара өтті.
Мерекелік іс-шараға аудандық әйелдер кеңесінің төрайымы К.Раева,«Ұрпақтан ұрпаққа» қоғамдық ұйымының аудандық филиалының жетекшісі Ү.Махамбетова, аудандық кітапхана директоры К.Қаниева, ауыл әкімі А.Есқараев және ардагерлер мен ауылдық әйелдер кеңесінің төрайымы мен мүшелері қатысты.
Іс-шараның алғы сөзін ауыл әкімі А. Есқараев ашып, жиналған жұртшылықты құттықтады. Әрі қарай ауыл өнерпаздары әннен шашу-шашып, өз өнерлерін көрсетті. Сондай-ақ, іс-шара аясында ауыл тұрғыны, абыз ана Әлимаш Ысқаққызының 85 жасқа толуына орай «Еңбегі еленген ардақты ана» тақырыбында кеш ұйымдастырылды.
Аудандық әйелдер кеңесінің төрайымы К. Раева жиын соңында Әлимаш Ысқаққызына ізгі лебізін жеткізіп, аудан әкімінің міндетін атқарушы Ж. Ерқосаевтың алғыс хатын табыстады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
