Қызылордалық жас кәсіпкер Дәулет Ізбасарұлы 2021 жылдан бастап сабын шығаруды қолға алды. Биыл ол «Бизнестің жол картасы – 2025» мемлекеттік бағдарламасы аясындағы грантқа қатысып, 4,5 млн теңге қаржыға ие болған. Гранттық қаржыға цехты кеңейту және «Ұнтақ өндірісі» (порошок) жобасын жүзеге асырмақ.
![](https://syrboyi.kz/wp-content/uploads/2021/11/251240002_1645653912493042_5679205824672649671_n-1-1024x486.jpg)
– Қазіргі таңда ұнтақ өндіруге мүмкіндік беретін цех құрылысын жүргізудеміз. Алдағы уақытта «Таза ұнтақ» атауымен сатылымға шығармақпыз. Ал, бүгінде табиғи таза, сапасы жоғары сабын өнімдерінің өлшеміне қарай 5 түрін өндірудеміз. Цехта 20-дан астам адам еңбек етеді,- деп жас кәсіпкер кәсібін кеңейту бағытындағы жоспарымен бөлісті.
![](https://syrboyi.kz/wp-content/uploads/2021/11/252061011_1645653805826386_2526843727328904612_n-1024x574.jpg)
Қазір шағын цех бір күнде орта есеппен 1500 дана сабын шығарады. Облыс тұрғындарының сұранысын қамтамасыз етіп отырған өнімдер Астана, Ақтөбе өңірлеріне де тасымалданады.
>>> Біздің Facebook, Instagram парақшаларымыз бен Telegram каналымызға жазылыңыз! <<<