Апта соңында аудан әкімі Мұрат Ергешбаев бекітілген кестеге сәйкес тұрғындарды жеке мәселелері бойынша қабылдады. Кезекті жеке қабылдауға аудан әкімінің орынбасары, Тереңөзек кенті, ауыл әкімдері және бөлім басшылары қатысты.
Қабылдауда баспанаға қол жеткізу, тұрақты жұмысқа тұру, спорт саласын дамыту, кәсіпкерлік және жер алу мәселелері көтерілді.Аудан басшысы Мұрат Нәлхожаұлы азаматтардың арыз-шағымдары мен ұсыныстарын жеке-жеке тыңдап, айтылған мәселелер тұрақты бақылауда болатынын жеткізді. Аудан әкімі орынбасары мен бөлім басшыларына мәселелерді зерделеп, заң аясында шешу жолдарын қарастыруды тапсырды.
Сырдария ауданы әкімінің баспасөз қызметі
