Өмірдің шынайы құны – есірткісіз болашақ
Құрметті жастар!
Бүгінгі таңда қоғам үшін ең қауіпті кеселдің бірі – есірткіге тәуелділік. Бұл дерт адамның денсаулығын, рухын және жарқын болашаққа деген барлық үмітін жояды. Уақытша ләззат іздеу – бүкіл ғұмыр бойы өкінішке әкелетін қателік. Есірткі – бұл еркіндіктің емес, керісінше, құлдықтың және күйреудің жолы.
Шынайы ғажайып өмір таза санада, мықты тәнде және асқақ арманда! Біз өмірдің әрбір сәтін бағалап, отбасымыздың сенімін ақтап, өз мақсатымыздан таймауымыз керек.
Спортпен шұғылданыңыз, білім мен өнерге ден қойыңыз. Бұл шынайы күш пен рух береді. Өз өміріңізді құрбандыққа шалмаңыз. Өмірді сүю – ең үлкен батырлық. Тазалықты таңдаңыз, жарқын жолды таңдаңыз.
Өзгерісті өзіңізден бастаңыз, үлгі болыңыз!
Жанұзақ Гүлшара Бақытқызы,
№286 орта мектебінің 10-сынып оқушысы,
Жаңақорған ауданы
