Беделді америкалық «PSYCHOLOGY AND EDUCATION» журналының жазғы нөмірінде Қорқыт Ата атындағы Қызылорда мемлекеттік университетінің докторанты Б.Ж.Паридинова, Қорқыт Ата атындағы Қызылорда мемлекеттік университетінің профессоры, педагогика ғылымдарының докторы Ш.М.Майгельдиева және Қызылорда «Болашақ» университенің профессоры, саяси ғылымдарының кандидаты М.Ө.Насимовтың «Болашақ мұғалімдердің рухани дүниетанымын дамыту: негізгі түсініктері, мәні және мәселелері» атты мақалалары жарық көрді. Берілген зерттеу жұмысында болашақ мұғалімдердің рухани дүниетанымын дамытудың негізгі түсініктері, мәні мен мәселелері қарастырылған. Осы мәселеге қатысты шетелдік ғалымдар мен ойшылдардың кейбір тұжырымдамалық идеялары сарапталды. Қазіргі қоғамдағы болашақ мұғалімдердің рухани дүниетанымын дамытудың рөлі дәйектелді.«PSYCHOLOGY AND EDUCATION» – психология мен білім берудің жалпы салалары бойынша іргелі зерттеулер, теориялары, әдістері мен тәжірибелеріне арналған рецензияланатын журнал болып табылады. Журнал 1963 жылдан бастап жарық көреді. Журнал тек Скопус базасында индекстеліп қана қоймай, PsycINFO, American Psychological Association (APA), Sage Publications және psychologyandeducation.net базаларында индекстеледі. Бұл берілген материалмен әлемнің көптеген ғалымдары таныса алады деген сөз. Журнал жылына өз беттеріндегі жарияланымдарды 27 мақаладан асырмайды. Баспагерлердің біздің ғалымдардың еңбегін таңдауы Сыр ғалымдарының үлкен жетістігі деп түсінеміз. Журналдағы берілген жарияланым соңғы 10 жылдағы қазақстандық авторлардың бірінші мақаласы екендігін айта кеткеніміз жөн.Зерттеу Б.Ж. Паридинованың «Болашақ мұғалімдердің рухани дүниетанымын тұлғалық-бағдарлық оқыту арқылы дамыту» докторлық диссертациясы шеңберінде жүргізілді.
>>> Біздің Facebook, Instagram парақшаларымыз бен Telegram каналымызға жазылыңыз! <<<
