Фото: trend.az
Түркияның батысындағы Измир қаласындағы кофеханада атыс болып, кем дегенде бес адам қаза тауып, тағы екеуі жарақат алды, деп хабарлайды ҚазАқпарат UniIndia сайтына сілтеме жасап.
Жергілікті БАҚ-тың хабарлауынша, екі топ ер адам Мендерес ауданындағы кофеханада ақша, қарыз мәселесін талқылау үшін кездескен. Алайда кездесу атыспен аяқталып, бес адам қаза тапты, тағы екеуі жарақат алды.
Оқиға орнына бірнеше полиция көлігі, сондай-ақ бірнеше жедел жәрдем бригадасы келді. Оқиға аудан тұрғындары арасында дүрбелең тудырды.
Тергеу жүріп жатыр.
>>> Біздің Facebook, Instagram парақшаларымыз бен Telegram каналымызға жазылыңыз! <<<
