Жыл басынан бері ойын-сауық мекемелерінің карантин тәрбін бұзуға қатысты 8,5 мыңға жуық факті тіркелді, оның 2 мыңға жуығы той өткізуге қатысты. Бұл туралы ҚР Ішкі істер министрінің орынбасары Арыстанғани Заппаров айтып берді, деп хабарлайды ҚазАқпарат тілшісі.
Полиция қызметкерлері қоғамдық тәртіпті сақтау және қылмысқа қарсы күрес сияқты негізгі міндеттерінен бөлек, екінші жыл коронавирус пандемиясымен күрес шараларының алдыңғы шебінде жүр. «Бүгінде Ішкі істер министрлігі шектеу шараларының сақталуын бақылауда денсаулық сақтау органдарына көмек көрсетуді жалғастыруда. Көлік объектілерінде санитарлық дәрігерлерге жолаушыларды іріктеп өткізуге көмек көрсетіледі.
Халықаралық әуежайларда 19 және теміржол вокзалдарында 14 бақылау пункті орнатылған. Жыл басынан бері шетелден ПТР-анықтамасыз келген 28 мыңнан астам азамат карантинге орналастырылды», – деді спикер Орталық коммуникациялар қызметінде. Сонымен бірге, мониторинг тобы мүшелерінің қауіпсіздігі де қамтамасыз етіледі. Жыл басынан бері олар 144 мың рейд өткізіп, 22 мың карантинді бұзу фактісінің жолын кескен. «Ойын-сауық мекемелерінің жұмыс тәрбін бұзуға қатысты 8,5 мыңға жуық факті тіркелді, оның ішінде 2 мыңға жуық факті той өткізуге қатысты», – дейді А. Заппаров.
>>> Біздің Facebook, Instagram парақшаларымыз бен Telegram каналымызға жазылыңыз! <<<
