Фото: Kazinform / pixabay / pexels
Алдағы жыл сәттілік әкеліп, табысты болуы үшін мерекелік түнде не істеуге болмайтыны туралы бірнеше кеңестерді орындау керек. «Жаңа жылды қалай қарсы алсаң, солай өткізесің» деп бекер айтпаған. Kazinform агенттігі ең кең тараған жаңажылдық нанымдарды жинады.
Жаңа жыл – бізді қоршап тұрған бар нәрсенің жаңаруы. Жылдың басталуымен өмірімізге әсер ететін энергия да өзгереді. Сондықтан, жыл барлық жағынан сәтті болатындай етіп дайындалып, осы энергияны реттеуге тырысу керек. Таролог Наталья Милославская алдағы жылда сәттілік сізден алыстап кетпеуі және берекелі болуы үшін мереке қарсаңында бірнеше маңызды белгілерге назар аударуға және қателіктерден аулақ болуға кеңес береді.
Мерекені үйде қарсы алыңыз
Таролог Жаңа жылды отбасыңызбен қарсы алуды ұсынады, өйткені бұл мерекенің дәстүрлері сізді отбасыңызға және қоршаған ортаға жақындатуға бағытталған. Олар сізге оңашалықты, өмірдің жаңа кезеңінің қуанышын және тәжірибе үшін ризашылықты сезінуге көмектеседі. Мерекеге әсіресе балалар ерекше қуанады. Олар Жаңа жыл мерекесін сиқырмен, ертегілермен, Аяз атамен және Ақшақармен байланыстырады.
«Жаңа жыл қарсаңында үйден шықпаған абзал. Жаңа жыл – отбасылық мереке, сондықтан оны отбасылық атмосферада атап өту керек. Көптеген адамдар мерекені дәмханалар мен мейрамханаларда тойлайды – бұл дұрыс емес. Бұл тәжірибеден бас тартып, мерекені үйде тойлаған жақсы. Мейрамханада немесе дәмханада емес, туыстары мен жақын достарының үйінде тойлауға болады. Үйдегі атмосфера – басты талап», – деп бөлісті Н.Милославская.
Үйден ақша шығармаңыз
Жаңа жыл қарсаңында үйден ақша шығаруға болмайды. Бұл күні курьерлік жеткізуді пайдаланбай, жаңа жылдық дастарханда бірдеңе жетіспейтін болса, дүкенге өзіңіз барған дұрыс.
«Қарызға ақша бермеңіз. Әйтпесе, келесі жылы қаржылық қиындықтардан құтыла алмайсыз», – дейді Наталья.
Мереке қарсаңында түрлі ұсақ-түйектерге ақша жұмсамаған дұрыс. Бұл келесі жылы үлкен сомада сауда жасауға кедергі болады. Сондай-ақ қалтаңыз бен әмияныңызды бос қалдырмаңыз – бос қалса, жаңа жылда ақшасыз қалуыңыз әбден мүмкін деген белгі бар. Тек ұсақ ақша қалса да, оны әмияныңыз бен қалтаңызға салып қойыңыз.
Тілектеріңізді дұрыс айтыңыз
Тарологтың санауынша, жаңа жылдық тілек тілегенде оны дұрыс тұжырымдау өте маңызды. Ақыр соңында не алатыныңыз сіздің тілегіңізді қалай тұжырымдағаныңызға байланысты. Не қалайтыныңызды ойлаңыз. Ол шынайы және сіздің қажеттіліктеріңізге сәйкес болуы керек.
Қалауларды тұжырымдау кезінде «жоқ» бөлшектері бар формулалардан бас тарту маңызды. Мысалы: «Мен мұны қаламаймын» десеңіз, ми дәл керісінше ойлайды, сондықтан «Мен қаламаймын», «Мен жеңдім» сияқты тіркестерден аулақ болуға тырысып, сөз тіркесін алдын ала таңдаған дұрыс.
«Мен қалаймын», «маған керек», «қолымнан келеді», «боламын» және т.б. Тілектерімізді дұрыс тұжырымдау өте маңызды. Сонымен қатар, өз тілегіңіз туралы ешкімге айтпау маңызды және оны ешкім естімеуі керек. Бұл – сіз бен Әлемнің арасында ғана болатын нәрсе», – деп толықтырды Наталья.
Тілегіңіздің орындалуын белгілі бір күнмен байланыстырмаңыз. «Дұрыс уақытта, керек жерде» деген сөз тіркесін ғана қосқан дұрыс.
Жаңа жылды ескі киіммен атап тойламаңыз
Жаңа киім жаңа бастама және келер жылға деген жаңа үміт. Сондықтан жаңа жылда үстіңізде жоқ дегенде бір жаңа киім болуы керек.
«Жаңа жылды ескі киіммен қарсы алу – жамандықтың белгі. Жаңа жылға жаңа нәрсе дайындаған дұрыс. Ескі жылда ескіні қалдырасың. Жаңа киім кисең, жаңа жыл сізге жаңа мүмкіндіктер береді», – деп сендіреді таролог.
Қарыз алмаңыз
Жаңа жыл қарсаңында қарызға ақша алмаған дұрыс. Несие алмаған да жөн. Әйтпесе, адам келесі жылды қарызбен өткізуге тәуекел етеді. Ақша мәселесін болдырмау үшін Жаңа жыл қарсаңында қарыз бермеу немесе қарызға алмау ұсынылады. Құмар ойын ойнамаңыз. Кез келген шығын 366 күнге көбейтіледі.
Ет тағамдарынан бас тартпаңыз
Жаңа жылдың символы сізге мейірімді болу үшін ет тағамдары туралы ұмытпаңыз. Айдаһар – жыртқыш жаратылыс, етті жақсы көреді, тәбеті де жақсы. Сондықтан дастарханыңызда тағам мол, дәмді және әдемі ұсынылуы керек!
«Вегетариан болсаңыз да, дастарханыңызда Жаңа жылдың символына арналған ет тағамы болуы керек. Оны өзіңіз жеудің қажеті жоқ, онымен жаңа жылдық дастарханыңызды безендіріңіз. Егер сіз бұл талапты елемейтін болсаңыз, келесі жылы сәтсіздікке ұшырауыңыз ықтимал», – дейді Наталья.
Ұрысуға болмайды
Мереке алдында және Жаңа жылдың алғашқы күнінде жанжалдасуға болмайды. Бірнеше күн бойы бейбітшілік пен ізгі ниет танытыңыз – наным бойынша, бұл атмосфера жыл бойы жалғасады.
«Мерекеде ұрысуға, біреуге жала жабуға, дауласуға болмайды – әйтпесе жыл жанжалмен өтеді. Егер жақын адамдарыңызбен проблемаларыңыз болса, келесі жылы қарым-қатынастарыңызда татулыққа және осы тыныштықты сақтауға тырысыңыз. Жылды дау-дамайсыз, балағат сөздерсіз бастау маңызды. Сонда ол жемісті, табысты, бақытты өтеді», – деп түйіндеді Н.Милославская.
>>> Біздің Facebook, Instagram парақшаларымыз бен Telegram каналымызға жазылыңыз! <<<
