Оның есімі Сыр өңірін дамытуға елеулі үлес қосқан талантты ұйымдастырушы, халыққа қалтқысыз қызмет жасаудың өнегесі іспеттес, мемлекет және қоғам қайраткері ретінде елге жақсы танымал. «Қалауын тапса қар жанар» дегендей бойындағы табиғи дарын, ерекше жігер, қабілет-қарым, жоғары талапшылдық пен еңбексүйгіштік сынды асыл қасиеттерінің арқасында желдің өтінде жүріп те, басшылық қызметтерде де, ҚР Парламенті Сенатына екі мәрте сайланғанда да халқына адал қызмет етудің жарқын үлгісін көрсетті.
Ол «ақырын жүріп анық басты» (Абай). Мінезіне мүсіні үйлесті. Көркем мінезімен көркем сөйледі. Ал көркем сөз, көркем мінез – көрікті ойдың көрінісі. Құнды сөз құнарлы ойдан ғана туады емес пе?!
Ол аспады, таспады, бір қалыптан шықпады, салқын сабыр мен адастырмас алдаспан ақылды басшылыққа алып өмір сүріп келеді.
Бір қалыпты болмысын ұлт перзентіне тән қасиеттер мен сипаттар мейлінше ажарландыра түсті. Елге қызмет етіп, биік белестерге көтерілген Бекмырза Қайыпұлы Еламанов мерейлі 75 жасқа толды. Қуаныш үстінде мерейтой иесіне зор денсаулық, ұзақ ғұмыр, игі жақсылықтар тілеймін!
Бағдат Кәрібозұлы
>>> Біздің Facebook, Instagram парақшаларымыз бен Telegram каналымызға жазылыңыз! <<<
