Маман адам күйзеліске қаншалықты ұзақ уақыт түссе, оның ағзаға әсері соғұрлым нашар болатынын айтады. “СМ-Клиника» психологы Любовь Крушинских «Известияға» берген сұхбатында үлкен әрі ұзаққа созылған күйзелістің қаупі туралы айтып берді, деп хабарлайды Stan.kz ақпарат агенттігі.
Ол ұзаққа созылған күйзеліс кезеңі ағзаның тозуына және барлық жасушалардың мерзімінен бұрын қартаюына әкелетінін айтты. Сонымен қатар, бұл ішкі органдардың жұмысына теріс әсер етеді. Мысалы, бұл гастритке әкелетін ас қорыту жүйесінің бұзылуына әкеп соғуы мүмкін. Ұзақ уақытқа созылған күйзелістен туындайтын ең жиі таралған аурулардың бірі – қант диабеті мен гипертония. Кейбір жағдайларда күйзеліс инсультке әкелуі мүмкін.
Дәрігер күйзеліс адамның денсаулығына ғана емес, оның сыртқы түріне де әсер етуі мүмкін екенін атап өтті. Сонымен қатар, ғалымдар білім деңгейі мен қартаю жылдамдығы арасында бұрыннан байланыс орнатқан. Кез келген адам үшін барлық деңгейде белсенділікті сақтау, сонымен қатар когнитивті функцияларды: есте сақтау қабілеті, назар аудару, ойлау жүйесін сақтау маңызды.
Сондай-ақ, Крушинский егер адам қартаюды даналық кезеңіне өту деп есептесе, онда бұл жағдайда күйзелістен оңай өтетінін атап өтті.
>>> Біздің Facebook, Instagram парақшаларымыз бен Telegram каналымызға жазылыңыз! <<<
