Қызылордада опырылып құлаған тұрғын үйден зардап шеккендер жоқ, деп хабарлайды ҚазАқпарат.Кешке кешке Қызылорда қаласы Титов кентіндегі №16 тұрғын үйдің бір бөлігі опырылып құлағаны туралы бұған дейін хабарлаған болатынбыз. Төтенше жадай салдарынан зардап шеккендер жоқ. Алайда оқыс оқиғадан қатты қорқып қалған кейбір тұрғындарға медициналық және психологиялық көмек көрсетілген.
«Үйдің құлаған бөлігінде адамдар тұрмаған. Сондықтан да болар зардап шеккендер жоқ. №2 мектепке уақытша көшірілген тұрғындар керекті заттармен толықтай қамтамасыз етілді. Алдағы уақытта олар далада қалмайды. Олар баспанамен қамтамасыз етілетін болады», – деді Қызылорда қаласы әкімінің орынбасары Асылбек Шаменов.
Үйдің құлау себебі анықталып жатыр. Айта кету керек, жатақхана үлгісінде бұл тұрғын үй 1971 жылы салынған.
>>> Біздің Facebook, Instagram парақшаларымыз бен Telegram каналымызға жазылыңыз! <<<
