12-13 қазанда Астана қаласында «Қазақстанның үздік тауары – 2018» республикалық көрме-байқауы өтті. Байқау нәтижесінде аймақтағы ерлер жейдесін өндіретін «Далатекс» пен тұз өндіретін «Аралтұз» компаниялары финалға жолдама алды.Осы орайда, бүгін өңірлік коммуникациялар қызметінің ақпараттық алаңында өткен брифингке «Далатекс» ЖШС директоры Д.Абызов қатысып, журналистердің сауалдарына жауап берді.
– Біздің компания 2016 жылдан бері отандық нарықта. Қазақстанның әр өңірінде өкілдіктері бар, сонымен қоса өнімдерімізді Ресейге экспорттаймыз. Өздеріңізге белгілі, Қызылордадан топ жарып, республикалық байқауға қатыстық. Енді «Алтын сапа» байқауының финалдық кезеңіндеміз. Онлайн дауыс беру арқылы қолдауларыңызды сұраймыз, – деді «Далатекс» ЖШС директоры Д. Абызов.
>>> Біздің Facebook, Instagram парақшаларымыз бен Telegram каналымызға жазылыңыз! <<<
