Түркістан облысындағы Алмалы ауылында 6 жылдан бері ішімдік пен темекі сатылмайды.
Түркістан облысы Жетісай ауданының Алмалы ауылында жыл басынан бері бірде-бір қылмыс тіркелмеді, деп хабарлады Polisia.kz.
Алмалы ауылының дүкендерінде соңғы 6 жылдан бері ішімдік пен темекі өнімдері сатылмайды. Басылымның жазуынша, осы уақыт аралығында құқық бұзушылық оқиғалар саны күрт азайған. Кейінгі бес жылда ажырасу мен ұрлық мүлде тыйылған.
«Ауылдың бетке ұстар қарттарының айтуынша, полицейлер күнделікті жергілікті жұртшылықтың жағдайын біліп, үйді-үй аралап отырады. Тәртіпті қадағалап, елдің қорғаны деген атқа сай қызмет етеді. Осындай қадағалау мен бақылаудың арқасында жастар жаман әдеттерден бойларын аулақ ұстайды. Нәтижесінде үлкендерді сыйлап, ынтымағы жарасып отырған жайы бар» делінген хабарламада.
>>> Біздің Facebook, Instagram парақшаларымыз бен Telegram каналымызға жазылыңыз! <<<
