ҚР Еңбек және халықты әлеуметтік қорғау бірінші вице-министрі Ержан Жылқыбаев Қазақстанда қандай мамандықтар сұранысқа ие екенін айтты, деп хабарлайды Stan.kz ақпарат агенттігі.
«Қазір жоғары сұранысқа ие 100 мамандық (35 мамандық – жоғары білім, 55 техникалық – техникалық орта білім) тізіміне IT және цифрландыру саласының мамандықтары кіреді. Негізінен 3D-модельдеу инженерлері, IT-мамандар, архитекторлар, дизайнерлер және туризм саласының мамандары жоғары сұранысқа ие», – деді министрдің бірінші орынбасары.
Жылқыбаев сұранысқа ие мамандықтарды даярлауда Қазақстанда нақты ғылым педагогтарының аздығы байқалатынын айтты.
«Өндіріс салаларында электр дәнекерлеуші, газ дәнекерлеуші секілді мамандар тапшы. Осындай кадрларды даярлауымыз қажет. Осы себепті «Атамекен» ҰКП бірлесе өндіріс орындарында қандай кадрлар қажет екені жөнінде скрининг жүргіземіз», – деп сөзін түйіндеді ҚР Еңбек және халықты әлеуметтік қорғау бірінші вице-министрі.
>>> Біздің Facebook, Instagram парақшаларымыз бен Telegram каналымызға жазылыңыз! <<<
