1797 – Австрияның ұлы композиторы Франц Шуберт дүниеге келді. Музыкадағы романтизм мектебінің ең алғашқы ұлы өкілдерінің, шағын үлгідегі вокал музыкасының негізін салушылардың бірі 600-ден астам ән жазған. 1828 жылы қайтыс болған.
1865 – Америка Құрама Штаттарында құлдыққа тыйым салынды.
1881 – генерал М.Д.Скобелев Түрікменстанда «Ақалтеке операциясын» аяқтады. 1880-1981 жылдарда, аса қатыгездікпен жүргізілген бұл жорықтың Орта Азияны Ресейге қосудың тездетілуіне әсері күшті болды.
1921 – кино мен театрдың атақты актері Владислав Игнатьевич Стржельчик дүниеге келді. Шәкен Аймановтың «Атаманның ажалы» фильмінде генерал Дутов ролінде ойнаған.
1923 – совет кинокомедиясының айтулы шебері Леонид Иович Гайдай дүниеге келді. «Кавказдағы тұтқын қыз», «Гауһар қол», «Иван Васильевич мамандығын ауыстырды…» деген сияқты фильмдері кеңінен танымал.
1924 – грузиннің тамаша кинорежиссері Тенгиз Евгеньевич Абуладзе дүниеге келді. Оның «Тәубеге келу» /1987/ атты фильмі – тоталитаризм табиғатын тамыршыдай таныған ұлы туынды.
1948 – қазақстың белгілі жазушысы Баққожа Мұқай дүниеге келді. Қаламгердің «Өмірзая» романы 2000 жылы Қазақстан Республикасының Мемлекеттік сыйлығына ие болды.
1955 – қазақтың ғажайып күйшісі Дина Нұрпейіс келіні қайтыс болды. Ұлы күйші Құманғазы Сағырбайұлының шәкірті. «Сезім мен жігерді қамшының өріміндей жымдастыра алатын санаулы ғана саңлақ күйшілердің бірі» /Ақселеу Сейдімбек/ 1861 жылы дүниеге келген.
1935 – жапон жазушысы, Нобель сыйлығының лауреаты Кэндзабуро Оэ дүниеге келді. Шығармаларында уақыт қатпарлары қойындасып, араласып жататын ерекшелігі бар.
1971 – американдық «Аполлон-14» ғарыш кемесі Ай бетіне қонды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
