Жетістікке жетудің баршаға айқын бір ғана жолы анықталса, миллиардерлер, ғалымдар не әлемді өзгертушілердің саны әлдеқайда жоғары болар ма еді?! Біреу күні-түні еңбектеніп, енді бірі өзін дамытуға күшін аямай жетістікке жетіп жатады. Дегенмен соларды біріктіретін 5 әдет бар. 1. Жұмысқа қатысты емес кітап оқу
Кітап оқудың пайдасы көп екені бәрімізге белгілі. Кітап оқымайтын миллиардер жоқ. Бай болғысы келетін әрбір адам кітаптың қандай құндылығы бар екенін жақсы түсінеді. Инженер әрі кәсіпкер, түрлі ғаламдық идеялардың авторы Илон Маск кітап оқығанды жақсы көреді. Тіпті, бос уақытының 80% кітап оқуға жұмсайды екен. Rolling Stone журналына берген сұқбатында Илон Маск: «Мені кітап тәрбиеледі. Бірінші – кітап, одан кейін барып ата-анамның тәрбиесін көрдім», – деген.
2. Комфорт аймағынан шыға білу
Қолымнан келмейді деген істі бастап, соңына дейін жеткізуге тырысып көріңіз. Бұл сіздің дамуыңызға әсер етеді. Әйтпесе бойыңызды қорқыныш билеп, бір істі бастауға деген ынтаңыз жоғалады. Facebook-тің негізін қалаушы Марк Цукерберг путунхуа (қытай тілінің диалектісі) тілін үйрену үшін бірнеше жыл уақытын жұмсаған. Бастапқыда қиын болғанымен жас миллионер діттегінен жетті. Қазір ол путунхуа тілінде жап-жақсы сөйлейді.
3. Спортпен шұғылдану
«Бай адамдардың әдеттері» кітабының авторы Том Корли қаржылық жетістікке жеткен адамдардың басым көпшілігі спортпен айналысуды әдетке айналдырғанын байқаған. Мысалы, Опра Уинфри, Шерил Сэндберг және Ричард Брэнсон күніне бір-екі сағат міндетті түрде физикалық жаттығу жасайды екен. Том Корли жүгіру не жаяу жүруді әдетке айналдырған, аэробикалық спорт түрлерімен шұғылданатындардың IQ көрсеткіші, жігері, өзіне деген сенімділігі және физикалық күш-қуаты өзгелерге қарағанда әлдеқайда жоғары болатынын дәлелдеген.
4. Көмек қолын созу
Жалғыз өзім жетістікке жетемін деу – қателік. Жетістікке жеткен адамдар көмектің маңыздылығын жақсы түсінеді. Microsoft-тың негізін қалаушы Билл Гейтс, оның жұбайы Мелинда және ірі инвестор Уоррен Баффет 2010 жылы «Сыйға беру анты» кампаниясын бастады. Бұл қатарға кірген әрбір азамат табысының кемінде жартысын қайырылымдылыққа жұмсауға уәде береді. Бастысы – сіздің қанша қаржы бергеніңіз емес, ниетіңіз.
5. Жиі серуендеу
Америкалық психологиялық қауымдастығы таза ауада серуендеудің пайдасын зерттеген. Компьютер алдында ұзақ қауып тапжылмай жұмыс істейтін кеңсе қызметкері болсаңыз – күніне бірнеше рет сыртқа шығып, серуендеуді әдетке айналдырыңыз. Ірі Virgin Group компаниясының басшысы Ричард Брэнсон былай дейді: «Таза ауада серуендеу – жұмысқа кірісудің, шешім қабылдаудың және келіссөз жасаудың ең қысқа жолы». Расында, кеңседен бірер сәтке сыртқа шығып, таза ауамен демалып қайту, миыңыздың жұмысын жақсартып, жаңа идеяларды пайда болуына септігін тигізеді.
Дереккөз: massaget.kz
>>> Біздің Facebook, Instagram парақшаларымыз бен Telegram каналымызға жазылыңыз! <<<
