Алдағы сәрсенбі, 2024 жылдың 15 мамыры күні бүкіл Қазақстан бойынша теледидар мен радио жұмыс істемейді. Бұл туралы «Қазтелерадио» АҚ мәлімдеді, деп хабарлайды Zakon.kz.
Оған себеп – ағымдағы жылдың II тоқсанына жоспарлы-профилактикалық жұмыстар.
«Қазтелерадио» АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді. Осыған байланысты, осы жылдың 15 мамыр сағат 03:00 мен 17:00 аралығында (Астана қ. уақытымен) телерадио хабарларын таратуды өшіре отырып, профилактикалық жұмыстар жүргізілетінін хабарлаймыз. Уақытша қолайсыздықтар үшін кешірім өтінеміз, – деп жазылған хабарламада.
Бұған дейін Қостанай облысында теледидар мен радио жеті сағатқа өшірілгені хабарланған болатын. «Қазтелерадио» АҚ мұның себебін сағат 10:00-ден 17:00-ге дейін жүргізілетін жоспардан тыс жұмыстар деп түсіндірді.
>>> Біздің Facebook, Instagram парақшаларымыз бен Telegram каналымызға жазылыңыз! <<<
