УЕФА-ның ресми сайтында 2017/2018 жылғы маусымның қорытындысы бойынша клубтық турнирлердің рейтингі жарияланды, деп хабарлайды ҚазАқпарат.
ҚР футбол федерациясынан мәлім еткендей, Қазақстан Норвегия, Словакия және Венгрия елдерінің қауымдастықтарын басып озып, 28-орынды иеленді.
Біздің клубтардың жалпы жинаған ұпайы – 18.125.
2016/2017 жылғы маусымның қорытындысы бойынша Қазақстан 15.250 ұпаймен 29-орынға орналасқан еді.
«Астана» футбол клубы Еуропа Лигасының топтық кезеңінде 21.750 ұпай жинап, УЕФА-ның клубтық рейтингінде 67-орынға жайғасты. 2016/2017 жылдың қорытындысы бойынша елордалық клуб 51 сатыға төмен болған еді – 118-орын (13.750 ұпай).
Айта кетейік, коэффициент елдің барлық клубтарының Чемпиондар Лигасы мен Еуропа Лигасының соңғы бес маусымдағы нәтижелерінің негізінде құралады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
