SpaceX-тан кейін, тағы бір америкалық компания барлық ұшқысы келетіндер үшін ғарышқа сапарды бастауға дайын екенін жариялады, деп жазады Spacenews. Blue Origin жеке аэроғарыш компаниясының аға вице-президенті Роб Мейерсон таяуда ғарышқа апаратын суборбиталық саяхат билеттері 2019 жылы сатылымға түсетінін мәлімдеді. «Алдағы уақытта ғарышқа алғашқы сынақ ретінде жолаушылармен бірге ұша бастаймыз. Ал, билеттер 2019 жылы сатылымға шығады», – деп уәде етті Мейерсон.
Қазіргі таңда компанияның ғарышқа жасаған барлық сапары жолаушыларсыз жүргізілген, бірақ Blue Оrigin бұдан бұрын сынақ ұшырылымдарға оның қызметкерлері қатысатынын мәлім еткен болатын. Мейерсон ғарышқа ұшу билетінің бағасын айтқан жоқ. 2015 жылы компания New Shepard суборбиталық кемесін сегіз рет ұшырған. Соңғы ұшырылым 29 сәуірде өтті. Келесі ұшырылымның қашан болатыны әзірге белгісіз. Компаниядағы дереккөз оның жазда болатынын ғана растады. Blue Origin компаниясының негізін америкалық миллиардер, 2000 жылы әлемдегі ең дәулетті адам атанған Джефф Безос қалаған.
>>> Біздің Facebook, Instagram парақшаларымыз бен Telegram каналымызға жазылыңыз! <<<
