Ресейлік стилист Анна Скороходова биылғы жылы ең сәнді түс бозғылт көк болып саналатынын айтты. Бұл әсіресе көктем мен жаз мезгілінде ажарыңызды аша түспек, деп хабарлайды Zakon.kz.
Сонымен қатар, оның пікірінше, шабдалы мен лаванда түстері де маңызды реңктердің қатарына кіреді. Бұл туралы сәнгер Мәскеу 24 сұхбатында айтты.
Жасыл реңктер де өзекті. Маман, атап айтқанда, шөпті және «зәйтүн бұтағы» түстес киімдер көркіңізге көрік қосатынына сенімді. Оның бірден-бір себебі, мұндай түстердің киімдерін күнделікті киюге болады.
«Биылғы жылы тағы бір сәнді реңк- сүтке қосылған балдың көрінісі. Сұйылтылған сары түс лаконикалық ақ кроссовкалармен, бейсбол бас киімімен және классикалық форматтағы сөмкемен үйлесім таппақ. Осы реңктің көмегімен сіз монохромды костюмдерден бастап футболкаға дейін әртүрлі композиция жасай аласыз», – Анна Скороходова.
Шие мен бордо биыл да өзекті болады.
«Тағы бір тренд түсі – металл. Мен оны сөмке немесе аяқ киім форматында біріктіруді ұсынамын. Олар жарқын екпінге береді. Бірақ бұл жарқын, таңқаларлық және күнделікті киюге емес, салтанатты іс – шараға қолайлы», – деп қорытындылады стилист.
Бұрын біз әйелдер киіміндегі негізгі трендтер мен түстер туралы жазған болатынбыз.
>>> Біздің Facebook, Instagram парақшаларымыз бен Telegram каналымызға жазылыңыз! <<<
