Жетісу облысының балалар ауруханасында 3 жасар бала көз жұмды. Дәрігерлер балаға көптеген дене жарақаттары мен миына қан құйылған деген диагноз қойды. Бала 12 қыркүйекте көз жұмды, бірақ бұл туралы бүгін ғана белгілі болды, деп хабарлайды Stan.kz ақпарат агенттігі «Время» басылымына сілтеме жасап.
Сәбидің өліміне қатысы бар деген күдікпен бұрын балаға қараған 23 жастағы жергілікті тұрғын ұсталды. Тергеу Қылмыстық іздестіру бөлімінің 106-бабының 3-бөлігі бойынша (Абайсызда жәбірленушінің өліміне әкеп соққан денсаулыққа қасақана ауыр зиян келтіру) жүргізіледі.
Марқұм баланың анасы Мәдина Таукенованың айтуынша, баспанасы болмағандықтан балаларымен бірге бола алмай, оларды тәулік бойы істейтін жекеменшік балабақшаға берген. Алайда әйел балабақшаға уақытылы төлем жасай алмаған.
«Қарлығаш маған телефон соғып, баламның жағдайы нашар екенін айтты. Мен бірден Шығыс шағын ауданына бардым. Денесі көгеріп, сөйлей алмай қалған, – деп еске алады Мәдина. – Мен одан не болғанын сұрадым, тәрбиеші оның жуынатын бөлмеде құлап қалғанын айтты. Мен ұлымды ауруханаға апардым, оны құтқаруға тырысты, бірақ тым кеш болды».
Бұл балабақшада Таукенованың бір жасар ұлы да тәрбиеленеді. Оқиғадан кейін ол кәмелетке толмағандарды уақытша оқшаулау, бейімдеу және оңалту орталығына орналастырылды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
