«2019 жылдың 1 қазанындағы мәліметтер бойынша, Қордың жеткізуші компанияларына 36,1 млрд теңге төленді. Бұл кепілдендірілген медициналық көмек пакеті шеңберінде бекітілген келісімшарттардың жалпы сомасының 80,5 %-і», – деді «Әлеуметтік медициналық сақтандыру қоры» Қызылорда облысы бойынша филиалының директоры Руслан Бектібаев.
Оның айтуынша, жұмыс кестеге сәйкес жүргізілуде. Бөлінген қаражат медицина мекемелерінің операциялық шығындарын өтеуге жеткілікті.
Биыл мемлекеттік тапсырысты орындауға 73 медицина ұйымы атсалысып жатыр. Оның ішінде 43-і жеке меншік клиника. Биыл олардың саны 2018 жылмен салыстырғанда 7-ге артқан, яғни 14% құрайды.
Мемлекеттен тапсырыс алған жеке меншік клиникалар саны жағынан Шымкент, Нұр-Сұлтан, Алматы қалалары мен Қызылорда және Жамбыл облыстары көш бастап тұр.
«Әлеуметтік медициналық сақтандыру қоры» КЕАҚ
облыс бойынша филиалдың халықты ақпараттандыру және өтініштерді қарау жөніндегі бөлімі.
