«Адал ұрпақ» ерікті мектеп клубтарының облыстық штабы елімізде алғаш рет Қызылорда облысында ашылды.
Облыстық штабтың ашылуы ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары Айгүл Шайымованың облысқа іссапары барысында өтті. Штабтың құрылу мақсаты – жалпы адамгершілік және ұлттық құндылықтар негізінде өскелең ұрпақтың бойына сыбайлас жемқорлыққа қарсы мәдениетті қалыптастыру және оған қарсы тұруға дайын тұлғаларды тәрбиелейтін «Адал ұрпақ» клубтарының жұмыстарын үйлестіру болып табылады.
– 2016 жылдан бері «Адал ұрпақ» ерікті мектеп клубтары облыстың барлық мектептерінде құрылып, бүгінде олардың қатарында 16000-нан астам мүшелері бар. Осы кезге облыстағы ерікті клубтардың жұмысын үйлестіретін, оларға методикалық көмек көрсететін арнайы орталықтың болмауы қиындықтар тудырып келген болатын.Қазіргі таңда облыстық штабта ұйымдастырылған жұмыстардың 500-ге жуық материалдық қоры осы штабта жинақталған. Облыстық штабтың құрылуы өз кезегінде ерікті клубтардың қызметін үйлетіруге септігін тигізеді, – деді облыстық штаб жетекшісі Әлия Қырғызбайқызы.
Агенттіктің Қызылорда облысы бойынша департаменті мен облыстық білім басқармасы бірлесіп ұйымдастырған «Адал ұрпақтықтардың» облыстық штабы дарынды балаларға арналған №4 облыстық мектеп-интернатында орналасты.
>>> Біздің Facebook, Instagram парақшаларымыз бен Telegram каналымызға жазылыңыз! <<<