Шиелі ауданы әкімінің сайлауында дауыс беруші мүгедектігі бар азаматтар үшін қолайлы жағдайлар жасалған. Барлық 40 учаскеде дауыс беру кабиналары жабдықталып, арнайы құрал-жабдықтармен қамтылды.
Аудан бойынша сайлауға қатысатын 237 мүгедектігі бар азамат бар. Көру қабілеті төмен сайлаушылар үшін дауыс беру бюллетеньдерін толтыру ережесі көрсетілген аудиома-териалдар мен трафареттер қойылған.
Ал, қимыл-қозғалысы қиын мүгедектігі бар азаматтарды тасымалдау үшін бірнеше инватакси қызмет етеді.
Аудан әкімі сайлауында 388 азамат тасымалдан жәшік арқылы дауыс беруге өтініш жазған.
Мұнан бөлек, 8 ауылдық округте өтіп жатқан сайлау процесінде 97 азамат тасымалданатын жәшік арқылы дауыс беруге өтініш қалдырған.
Оның 50-і Арал, 16-ы Қазалы, 19-ы Қармақшы, 5-і Жалағаш, 7-і Шиелі ауданында.
Еске салайық, Шиелі ауданы әкім сайлауына 50701 сайлаушы тіркелген. Ал, 8 ауылдық округ бойынша 5880 сайлаушының дауыс беруге құқығы бар.
>>> Біздің Facebook, Instagram парақшаларымыз бен Telegram каналымызға жазылыңыз! <<<
